እምነት ምንጪ ህይወት እያ (ቀዳማይ ክፋል)

1ይ ክፋል

ኣብዚ ናይ ሎሚ አስተንትኖና ብዛዕባ እምነት ከነስተንትንን ንኣምላኽ እምነትና ከዕቢ ክንልምኖን ኢና። እዚ አብ ክርስቲያናዊ ሕይወትና ንነፍሲ ወከፍና ኣገዳሲን ቀዳምነት ክወሃቦን ዘለዎ ነገር እዩ።

እምነት ቁሩብ ዝጋጮ ክውንነት እዩ። በቲ ሓደ ወገን ከአ ቀሊል ነገር እዩ፣ ባህሪ ልቢ፣ መብዛሕትኡ ግዜ ብድኽነትን ደረቕነትን ዝነብር እዩ። እምነት ቁሩብ ዝጋጮ ክውንነት እዩ። በቲ ሓደ ወገን ከአ ቀሊል ነገር እዩ፣ ባህሪ ልቢ፣ መብዛሕትኡ ግዜ ብድኽነትን ደረቕነትን ዝነብር እዩ። ብኣንጻሩ ግና ዘደንቕን ፡ ፍረ ዘለዎ ሓቅነትን እዩ፡ ምኽንያቱ እምነት፡ ተግባር እምነት፡ ብሓቂ ምስ እግዚኣብሔር ርክብ ስለ ዘእትወና፡ በብቑሩብ ንኹሉ ነቲ ሃብትን ዕምቆትን ዘለዎ ምስጢር እግዚኣብሔር ይኸፍተልና።

ዝኾነ ይኹን ዕብብየት ኣብ እምነት ብተስፋን ብፍቕርን ከም እንመልለስ ይገብረና። እምነት እታ እንኮ/ሓንቲ ፈጺማ ዘየተደናግርን ብርሃን እትህበናን እያ። እቲ ሓቀኛ ሓይልና እያ። ኣብ ኣምላኽ ክንጽጋዕ ኸአ ተኽእለና። ብገለ መልክዑ ኩሉ ሓጢኣትናን ጌጋታትናን ካብ ስእነት ወይ ዋሕዲ እምነት ዝመጽእ እዩ ክንብል ንኽእል። ኣብ ሓይልን ፍቕርን ኣምላኽ እኹል እምነት የብልናን፣ ኣብ መወዳእታ ድማ እቲ ሓቀኛ ጸገምና ንሱ እዩ።

ብርግጽ ሓደ ሓደ ግዜ ኣብ ከቢድን መሪርን ኩነታት ኢና እንነብር፣ እዚ ድማ ናይ ገዛእ ርእስና ድኽመትን ድኻምን ክኸውን ይኽእል እዩ። እዚ ከምዚ ኢሉ እናሃለወ እዞም ጸገማት እዚኣቶም ናይ ብሓቂ ጸገምና ኣይኮኑን። እቲ እንኮ ጸገምና እምነት ዘይምህላውና እዩ። ነቲ ጸገማትናን ውልቃዊ ድኽመታትናን ብእምነት እንተ እተነበርናዮ፣ ኣብ ኢድ ኣምላኽ እንተ ኣቐሚጥናዮ፣ ንሱ ክከናኸነና እዩ፣ እቶም ኣብ ሕይወትና ኣዝዮም ኣሉታዊ ዝመስሉ ፍጻመታት እውን ከይተረፉ ኣወንታዊ ኮይኖም ክውድኡ እዮም - ንሰናይና ክኾኑ እዮም።

ኣብ ወንጌል መድኃኒና ኢየሱስ ክርስቶስ ብዛዕባ ኣገዳስነት እምነት ኣጽኒዑ ይዛረብ፡ - አብ ወንጌል ሉቃስ 17፡6 ጐይታ ኸኣ ኸምዚ በሎም፦ “ክንዲ ፍረ ኣድሪ እትኣክል

እምነት እንተ ትህልወኩምሲ ነዚ ሳግላ ‘ተመንቍስካ ኣብ ባሕሪ ተተኸል’ ምበልኩምዎ እሞ፥ ንሱ ኸኣ ምተኣዘዘኩም ነይሩ።

ወንጌል ማቴዎስ 17፡20 ኢየሱስ ከኣ “ብጕድለት እምነትኩም እዩ። ብሓቂ እብለኩም ኣሎኹ፥ ክንዲ ፍረ ኣድሪ እትኣክል እምነት እንተ ኣልያትኩም ነዚ እምባ እዚ ‘ካብዚ ናብቲ ግዓዝ’ እንተ በልኩምዎ ይግዕዝ፥ ዘይከኣለኩም ነገር የልቦን።

ወንጌል ዮሃንስ ከነንብብ ከሎና ካብ እምነት ዝመጽእ ምሉእ ዝርዝር ረብሓታት ንረክብ፡ እቲ ዝኣመነ ካብ ሞት ናብ ሕይወት ይሓልፍ እምበር ኣይፍረድን፡ ብብርሃን ዝመላለስ፡ ናይ ዘለኣለም ህይወት አለዎ፡ ፈጺሙ ኣይጸምእን፤ እንተ ሞተ እውን ብሕይወት ክነብር እዩ፣ ክብሪ ኣምላኽ ክርኢ እዩ፣ ድሮ ተንሲኡ እዩ፣ ከምቲ ክርስቶስ ዝገበሮን ካብኡ ዝዓበዩን ግብሪታት ክሰርሕ እዩ፣ ኣብ ልዕሊ ዓለም ድማ ተዓዋቲ እዩ። 1ዮሓ.5፡4 ካብ ኣምላኽ ዝተወልደ ዘበለ ዅሉ ንዓለም ይስዕራ። እታ ንዓለም እንስዕረላ ዓወት ከኣ እምነትና እያ።

ኣብ መወዳእታ ወንጌሉ ዮሓንስ ከምዚ ይብል “ኢየሱስ ኣብ ቅድሚ ደቀ መዛሙርቱ ካልእ ብዙሕ ትእምርትታት ገበረ፣ እዚ መጽሓፍ እዚ ኣብዚ መጽሓፍ እዚ ዘይተጻሕፈ እዩ። እዚኣቶም ግና ኢየሱስ መሲሕ ወዲ ኣምላኽ ምዃኑ ክትኣምኑን ብእምነት ብስሙ ሕይወት ምእንቲ ክትረኽቡን ዝተጻሕፉ እዮም” ።ዮሓ. 20:30-31 - ኢየሱስ ድማ ኣብዚ መጽሓፍ እዚ ዘይተጻሕፈ ኻልእ ብዙኅ ተኣምራት ኣብ ቅድሚ ደቀ መዛሙርቱ ገበረ። ግናኸ ኢየሱስ ንሱ ክርስቶስ ወዲ ኣምላኽ ከም ዝኾነ ምእንቲ ኽትኣምኑ፥ ኣሚንኩምውን ብስሙ ሕይወት ምእንቲ ክትረኽቡ እዩ እዚ ዝተጻሕፈ። ብስሙ ሕይወት ክህልወካ እዩ!

እዚ ኣገዳሲ እዩ፡ እምነት ሕይወት ትህበና፡ ኣብዛ ምድሪ ናይ ሓቂ ሕይወት፡ ዘለኣለማዊ ሕይወት መንግስቲ። ምስ ኣምላኽ ኣብ ሓቀኛ ርክብ የእትወና፣ ንኣምላኽ ክንትንክፎ ድማ የኽእለና። ኣምላኽና ድማ ኣምላኽ ሕይወት እዩ። ነብስና ንሓላዊት እምነትና ዝኾነት ድንግል ማርያም ኣሕሊፍና ንሃባ።